0
0
Kampuni ya Bang Bet imetangaza kwa fahari ufadhili wake kwa madereva wa mbio za safari rally, Gerald Maina na John Ngugi, katika awamu ya mwaka huu ya Mashindano ya Ubingwa wa Dunia (WRC) ya safari rally. Mashindano hayo yatafanyika katika Kaunti ya Nakuru kuanzia tarehe 22 hadi 25 Juni 2023.
Mkurugenzi Mtendaji wa Bang Bet, Leonardo Varese, alisema lengo kuu la ufadhili huo ni kuboresha na kukuza vipaji katika mchezo wa safari rally kwa ajili ya wapenzi wa mchezo huo.
“Hii ni mchezo wenye gharama kubwa, kwa hiyo tunatafuta watu wenye shauku na hamu ya kuendesha gari ambao huenda hawana rasilimali za kutosha na wanahitaji msaada kidogo. Hivyo, hawa wapendwa (Gerald na John) wameonesha uwezo wao na tumeamua kuwaingiza katika mpango wetu,” alisema Bw. Leonardo.
Dereva wa safari rally, Bwana John Ngugi, alitoa shukrani zake kwa kampuni hiyo akisema ana matumaini ya kufanya vizuri katika mashindano ya WRC safari rally yanayokuja wiki ijayo.
“Hii ni mchezo wa safari rally wenye gharama kubwa sana. Tunawashukuru sana Bang Bet kwa kutuunga mkono na kutuwezesha kutumia nembo yao. Tutajitahidi kuonyesha kuwa tuko tayari kwa kazi hiyo,” alisema Ngugi.
Ngugi atashiriki mbio hizo akitumia gari la Subaru Impreza N16 ambalo awali lilikuwa mali ya Don Smith. Awali, alikuwa akitumia gari la Mitsubishi Evo 9.
Kwa upande wake, Maina atakuwa akiendesha gari la Mitsubishi Evo 9 na atashiriki kwa mara ya kwanza katika mashindano ya safari rally tangu yaliporejeshwa kwenye kalenda ya WRC.
“Tangu Bang Bet walipoingia, tumekuwa tukiandaa maandalizi yetu kwa sababu hatukutarajia kupata mdhamini mapema. Kwa hivyo tulifurahi sana walipotujia na kusema watatusaidia. Kwa kweli, tunafurahi sana,” alisema Maina.
Hii itakuwa awamu ya 70 ya Mashindano ya Dunia ya safari rally.
